Қысқы спорт түрлері бойынша олимпиадалық даярлау орталығының базасында ҚР еңбек сіңірген спорт шебері Николай Чеботьконы еске алуға арналған жыл сайын өтетін шаңғы жарыстары басталуда. Салтанатты ашылу рәсімінде ҚСТ ОДО директоры Ардақ Болатұлы Тулендин, Николайдың жеке жаттықтырушысы Виктор Петрович Васильев, атақты шаңғышының әкесі Сергей Дмитриевич Чеботько құттықтау сөз сөйледі. Жарыс басталардың алдында белгілі қазақстандық шаңғышының мемориалдық тақтасына гүл шоқтары қойылды.
«Чеботько жарысы» осымен 15-ші мәрте өткізілуде. 2021 жылға дейін спортшы жарыстарды өзі ұйымдастырып жүрген. Шаңғы жарысшысының қайғылы қазасынан кейін, оны еске алып тұру үшін жарыстарды туыстары мен достары өткізуде. Жыл сайын Щучинск қаласында Қазақстанның барлық өңірлерінен «Чеботько жарысына» келетін қатысушылар көбейіп жатыр. Бұл жолы 7 мен 16 жас аралығындағы 500-ге жуық спортшы тіркелді.
Николай Чеботьконы еске алуға арналған шаңғы жарысы 15-16 наурызда өтеді. Жеңімпаздар мен жүлдегерлер екі жарыс күнінің қорытындысы бойынша анықталады.
