Қысқы спорт түрлері бойынша олимпиадалық даярлау орталығының мәнерлеп сырғанаушысы Никита Кривошеев ISU Junior Grand Prix мәнерлеп сырғанаудан халықаралық турнирдің төртінші кезеңіне қатысты. Жарыстар 18-21 қыркүйекте Түркияда (Анкара қ.) өтті. Қысқа және еркін бағдарламаларда өнер көрсеткені үшін спортшы 159.26 ұпай жинап, 8 орын алды. Жасөспірімдер тобында Бельгия, Болгария, Бразилия, Ұлыбритания, Венгрия, Испания, Қазақстан, Канада, Корея, Латвия, Польша, Словакия, АҚШ, Түркия, Украина, Франция, Швейцария, Эстония, Жапониядан барлығы 23 қатысушы өнер көрсетті. Мәнерлеп сырғанаудан бас жүлде ISU-Халықаралық конькимен жүгірушілер одағының қолдауымен өтетін жыл сайынғы жарыстар кешені. Гран-При кезеңдерінде әлемдегі ең үздік конькишілер жарысады. Гран-При-2024 аясында барлығы 7 кезең өтеді (Латвия, Чехия, Таиланд, Түркия, Польша, Словения, Қытай). Халықаралық турнирдің финалы осы жылдың желтоқсан айында Францияда өтеді.
