Қысқы спорт түрлері бойынша олимпиадалық даярлау орталығының мәнерлеп сырғанаушысы Артур Смагулов Қытайдың Уси қаласында өткен кіші Гран-При кезеңінде өнер көрсетті. Қысқа және ерікті бағдарламалардың қорытындысы бойынша спортшы 173.32 ұпай жинап, 10-шы орынға ие болды. Айта кету керек, Қытайдағы Гран-При кезеңінде Артур Смагулов мансаптағы ең жақсы нәтижесін тіркеді. Көшбасшылардың үштігіне Рио Наката (Жапония), Тиан Тонгхэ (Қытай), Ли Янхао (Жаңа Зеландия) кірді. Мәнерлеп сырғанаудан жасөспірімдер Гран-Приінің кезекті кезеңі 9-12 қазанда өтті. Жалғызбасты жасөспірімдер арасында жарысқа Австрия, Армения, Ұлыбритания, Грузия, Қазақстан, Канада, Қытай, Корея, Монако, Жаңа Зеландия, АҚШ және Жапониядан спортшылар қатысты.
📸xu_diana628
