Қысқы спорт түрлері бойынша олимпиадалық даярлау орталығының базасында шаңғы жарысынан Шығыс Еуропа Кубогы басталды. I кезеңнің алғашқы жарыстары 21 қарашада өтті. Спортшылар спринтте классикалық стильде өнер көрсетті. Біліктілік стартына 160-тан астам спортшы шықты. Ерлер арасындағы жарыс қорытындысы бойынша үштікті Святослав Матасов, Ілияс Исабек, Виталий Пухкало құрады. Әйелдер арасында Тамара Эбель, Мария Геращенко, Анна Мельник педъесталда орналасты. Ертең Шығыс Еуропа Кубогы аясында классикалық стильде жеке жарыстар өтеді. Спортшыларды стадионнан қолдауға болады. Кіру тегін. Сонымен қатар, COP ZVS TV арнасында тікелей эфирде жарыстың барысын қадағалаңыз.
