12-13 шілдеде Қысқы спорт түрлері бойынша олимпиадалық даярлау орталығының базасында BURABAY OPEN үстел теннисінен ашық республикалық турнир өтті. Жарысқа Қазақстанның түрлі өңірлерінен келген кәсіби спортшылар мен әуесқойлар қатысты. BURABAY OPEN-2025 турнирінің жүлде қоры 1 200 000 теңгені құрады. Бас жүлде ерлер мен әйелдер арасында жасына және шеберлік деңгейіне шектеусіз ойналды. Жарыс қорытындысы бойынша ерлер арасында Тимофей Герасименко (Астана қ.) әйелдер арасында Меруерт Тәжімова (Көкшетау қ.) жеңімпаз атанды. Жүлдегерлер қатарында Марат Суртубаев (Қарағанды қ.), Александр Герасименко (Астана қ.), Малика Сандыбаева (Астана қ.), Әлия Абжанова (Астана қ.) бар. Айта кету керек, Щучинск қаласында BURABAY OPEN үстел теннисінен жарыс алтыншы рет өткізіледі, әр жаңа турнирде балалар мен ересектердің үстел теннисіне көбірек көңіл бөлінеді.
