Таиландта шаңғы роллерлерінен Азия Кубогының I кезеңінің қорытындысы шығарылды. Халықаралық старттар 3-6 шілдеде өтті. Жарыс аясында спринттер, еркін жарыстар, масс-старттар және супер-спринттер өтті. Жарысқа әлемнің 7 елінен 80-нен астам спортшы қатысты. Азия Кубогының I кезеңінде Қазақстан атынан 16 спортшы қатысты. Олардың арасында Қысқы спорт түрлері бойынша олимпиадалық даярлау орталығының шаңғышылары Евгения Вадутова, Диляра Бейсекеева және Виталий Красиков бар. Азия Кубогының I кезеңінің қорытындысы бойынша қазақстандық команда 12 марапатқа ие болды – 4 алтын, 2 күміс және 6 қола. Оның төртеуі - Қысқы спорт түрлері бойынша олимпиадалық даярлау орталығының шаңғышыларының есебінде. Евгения Вадутова спринтте «күмісті» және супер спринтте «қоланы» жеңіп алды. Диляра Бейсекеева - спринтте және масс-стартта екі қола жүлденің иегері. Жалпы командалық есепте қазақстандықтар шаңғы роллерлерінен Азия Кубогының I кезеңінің қорытындысы бойынша бірінші орынды алады. Екінші – Корея командасы, үшінші - Таиландтан келген спортшылар. Халықаралық жарыстың келесі кезеңі 4-6 тамызда Оңтүстік Кореяда өтеді.
