Латвияда шаңғы роллерлерінен Әлем Кубогы басталды. Халықаралық жарыстың I кезеңі 17-20 шілдеде Мадона қаласында өтті. Кубок аясында спортшылар жеке жарыстарда, командалық спринттерде, спринттерде және масс-старттарда өнер көрсетті. Жарысқа әлемнің 15 елінен 100-ден астам спортшы қатысты. Қазақстан атынан Виталий Красиков, Дмитрий Коломеец, Евгения Вадутова, Диляра Бейсекеева және Анна Мельник қатысты. Жарыс қорытындысы бойынша қазақстандық спортшылар арасында Қысқы спорт түрлері бойынша олимпиадалық даярлау орталығының шаңғышылары Евгения Вадутова мен Диляра Бейсекеева командалық спринтте үздік нәтиже көрсетті. Олар жасөспірімдер тобында 4-ші орынға ие болды.
