4-6 тамызда Оңтүстік Кореяда шаңғы роллерлерінен Азия Кубогының II кезеңі өтті. Жарыс аясында спринт, жеке жарыс және масс-старт өтті. Жарысқа 7 елдің спортшылары қатысты. Кореяда Қазақстан атынан Дмитрий Коломеец, Виталий Красиков, Радомир Малов, Виталий Ершов, Сергей Уфимцев, Евгения Вадутова, Диляра Бейсекеева, Арина Андрющенко қатысты. II кезең қорытындысы бойынша қазақстандық спортшылар бір медаль жеңіп алды. Евгения Вадутова - спринтте күміс жүлдегер. Қазіргі уақытта біздің спортшылардың марапаттау қоржынында Азия кубогының 13 медалі бар. Шаңғы роллерлерінен Азия Кубогының қорытынды кезеңі 4-7 қыркүйекте Щучинск қаласында Қысқы спорт түрлері бойынша олимпиадалық даярлау орталығының базасында өтеді.
