Қысқы спорт түрлері бойынша олимпиадалық даярлау орталығының «қанатты» шаңғышылары 22-23 желтоқсанда Алматыдағы «Сұңқар» Халықаралық шаңғы трамплиндері кешенінде ҚР V қысқы Спартакиадасы аясында өткен командалық жарыстардың жеңімпаздары атанды. Жарыс қорытындысы бойынша Ильшат Қадыров пен Святослав Назаренко Алматы қаласының құрамасында өнер көрсетіп, бірінші орынға ие болды. Құрмет тұғырының екінші сатысында ҚСТ ОДО атлеттері Даниил Калинкин мен Илья Мизерных бар тағы бір алматылық команда көтерілді.
