18-27 желтоқсан аралығында Алматы қаласында өткен Қазақстан Республикасының V қысқы Спартакиадасында қысқы спорт түрлерінен олимпиадалық даярлау орталығының фристайл акробаттары өнер көрсетті. Нәтиже бойынша жеке есепте 4 медаль, ал командалық есепте 2 медаль бар.
Жүлдегерлер арасында Маржан Ақжігіт - өзінің жеке қоржынында екі "алтын", Ардана Маханова "күміс" және "қола" иеленді. Командалық есепте Меруерт Ақжігітова мен Жібек Нұралиева жеңіс тұғырының бірінші сатысына көтерілді, Раймқұл Дінмұхаммед ерлер командасы құрамында спартакиаданың күміс жүлдегері атанды. Барлық спортшылар Шымкент қаласының құрама командасының атынан өнер көрсетті.
