Қысқы спорт түрлері бойынша Олимпиадалық даярлау орталығының фристайл акробаты Маржан Ақжігіт шаңғы акробатикасынан Еуропа кубогында алтын медаль жеңіп алды. Спортшымыз жарыстың екінші күнінде жеңіс тұғырының бірінші сатысына көтерілді. ҚСТ ОДО – ның басқа шаңғы акробаттарының өнері де жоғары болды. Меруерт Ақжігітова мен Дінмұхаммед Райымқұлов кубок кезеңінің алғашқы күнінде үздік бестікке енді.
27-29 қаңтарда Беларусьтің Раубичи спорт кешенінде Еуропа кубогының кезеңі өтті. Жарысқа Беларусь, Қазақстан, Ресей және Украина спортшылары қатысты.
