Фристайл -акробатикадан Еуропа Кубогының келесі кезеңінде Қазақстанның әнұраны қайта шырқалды. Бұл жолы – жарыстың бірінші күнінің жеңімпазы, қысқы спорт түрлерінен Олимпиадалық даярлау орталығының спортшысы Дінмұхаммед Райымқұловтың құрметіне.
Сондай-ақ Еуропа Кубогы кезеңінің жеңімпазы ҚСТ ОДО спортшысы Маржан Ақжігіт атанды. Оның наградалар қазынасы екі күміс медальмен толықты. Еске салайық, Беларусьте өткен Еуропа кубогының алдыңғы кезеңінде ол алтын жүлденің иегері атанған болатын.
4-5 ақпанда Украинадағы «Красия» тау-шаңғы спорт кешенінде Еуропа кубогы кезеңінің басталуы өтті. Жарысқа украиналық және қазақстандық спортшылар қатысты. Елімізді ҚСТ ОДО шаңғы акробаттары Дінмұхаммед Райымқұлов, Маржан Ақжігіт, Меруерт Ақжігітова және Ардана Махаенова қорғады.
FIS күнтізбесі бойынша фристайл акробатикасынан Еуропа кубогының келесі кезеңдері наурыз айына жоспарланған. Олар Швейцарияның Айроло қаласында өтеді деп жоспарлануда.
