Багдана Рахишова, «Қысқы спорт түрлері бойынша олимпиадалық даярлау орталығының» мәнерлеп сырғанаушысы. Sofia Trophy-2022 халықаралық турнирінде жасөспірімдер тобында өнер көрсетті. Аталған жарыс Болгария астанасында 1-6 ақпан аралығында өтті. Қысқа және еркін бағдарламалардың қорытындысы бойынша спортшы екі айналымда 123,87 балл жинап, 7-ші орын алды.
Багдана Рахишованың қарсыластарының арасында Болгария, Латвия, Литва, Беларусь, Грекия, Польша, Түркия, Словакия, Сербия, Румыния, Македония, Тайвань спортшылары болды. Жасөспірімдер тобына барлығы 35 қыз қатысты.
