17 ақпанда спорт мектептеріндегі оқушылар арасындағы Қазақстан Республикасы чемпионатының финалдық старты еркін жүгіруден өтті. Оның қорытындысы бойынша қысқы спорт түрлерінен Олимпиадалық даярлау орталығының спортшылары жалпы жүлде қорын алты медальмен толықтырды – 3 алтын, 2 күміс және 1 қола. Рамиль Шамсутдинов, Шыңғыс Есімсейітов, Артем Завьялов, Анастасия Ротова, Аида Хажиева және Аружан Сабирова жеңіс тұғырына көтерілді.
Шаңғы жарысы бойынша спорт мектептерінің оқушылары арасындағы Қазақстан Республикасы чемпионатының шағын турының жалпы қорытындысы бойынша қыздар арасында Аида Хажиева көш бастады. Кіші топта Анастасия Ротова екінші орын алды. Жасөспірімдер сынақ үстелінің бірінші қатарында Шыңғыс Есімсейітов, үшінші қатарда Рамиль Шамсутдинов тұр. Жас жігіттер арасында Артем Завьялов абсолютті чемпион атанды – оның еншісінде 3 алтын бар.
Еске салайық, 14-17 ақпан аралығында Қостанай қаласындағы №3 жасөспірімдер спорт мектебінің шаңғы базасында шаңғы жарысы бойынша спорт мектептерінің оқушылары арасында Қазақстан Республикасының чемпионаты өтті. Жарысқа Ақмола, Ақтөбе, Алматы, Қостанай, Павлодар облыстарынан, Алматы және Нұр-Сұлтан қалаларынан спортшылар қатысты.
