Қысқы спорт түрлері бойынша олимпиадалық даярлау орталығының шаңғышылары Финляндияда арнайы оқу-жаттығу жиынын өткізеді. Жаттығуға Султан Базарбеков, Чингиз Есимсеитов, Ильяс Исабек, Берик Боранбаев, Рамиль Шамсутдинов, Артем Завялов, Елизавета Толмачева, Мария Геращенко, Сабина Сулейменова, Аида Хажиева қатысады. Спортшылармен оқу-жаттығу жиынында қысқы спорт түрлері бойынша олимпиадалық даярлау орталығының шаңғы жарысынан аға жаттықтырушысы Олег Бушмакин және жаттықтырушы-сервисмен Дмитрий Коломеец жұмыс істейді. Оқу-жаттығу жиындарында шаңғышылардың жастар құрамасы халықаралық жарыстарға дайындалуда. Финляндияда шаңғы жарысы бойынша оқу-жаттығу жиыны 26 шілдеге дейін жалғасады.
