Қысқы спорт түрлері бойынша олимпиадалық даярлау орталығында қазақстандық конькишілер Алина Даранова, Дарья Гаврилова, Алдияр Төлегенов және Мирас Әлихан жаттықтыруларды өткізеді. Спортшыларды халықаралық дәрежедегі спорт шебері, конькимен жүгіру спортынан ҚР жастар құрамасының тәлімгері Дмитрий Обатуров жаттықтырады. Алина Дауранова, Дарья Гаврилова және Алдияр Төлегенов – қысқы спорт түрлері бойынша олимпиадалық даярлау орталығының спортшылары. Қыздар-ірі халықаралық жарыстардың жүлдегерлері. Алина Дауранова - Әлем чемпионаты мен кубогының бірнеше дүркін жүлдегері. Дарья Гаврилова Әлем чемпионаты мен Кубок кезеңдерінің эстафеталық жарысының жүлдегері.
