Халықаралық жарыстарға дайындық бойынша оқу-жаттығу жиынын "Сары-Арқа" велотрегінде қысқы спорт түрлері бойынша олимпиадалық даярлау орталығының шорт-трекистері өткізеді. Команда құрамында Гүлдана Жалмұхан, Алина Әжғалиева, Мәлік Ермек, Әлихан Ханат, Айбек Насен, Мақсат Уәлиулла, Дінмұхамедалдияр Тәжібай, Мейіржан Төлеген, Евгений Арсентьев бар. Спортшылар Батыс Қазақстан облысы мен Астана қаласының атынан қатысады. Спортшылардың оқу-жаттығу жиыны 18 қазанға дейін жалғасады. Жиын аясында спортшылар шорт-тректен ҚР Кубогында да өнер көрсетеді. Естеріңізге сала кетейік, бұл старттар әлем кубогының кезеңдеріне іріктеу болып табылады.
