Қысқы спорт түрлері бойынша олимпиадалық даярлау орталығының шаңғы жарысушылары Дидар Касенов, Ернұр Бексұлтан, Лаура Киныбаева, Мария Люфт, Анастасия Ротова ҚР Ұлттық құрамасының құрамында Якутияда қарда оқу-жаттығу жиынына кірісті. Алдан қаласында Қазақстандық спортшылармен бірге қазіргі уақытта Ресей мен Беларусьтің ең мықты шаңғышылары жаттығуда. Жиын аясында спортшылар шаңғы жарысы бойынша Бүкілресейлік жарыстарға да қатысады. Якутиядағы спортшылардың оқу-жаттығу жиыны 7 қарашаға дейін жалғасады.
Саха Республикасында (Якутия) қазан айының басында қар жеткілікті. Сондықтан Ресейден және жақын шетелден көптеген жетекші шаңғышылар мұнда алғашқы «жарыстарға» қатысуға асығады.
