Denis Ten Memorial Challenge-2022 халықаралық турнирінде қысқы спорт түрлері бойынша олимпиадалық даярлау орталығының мәнерлеп сырғанаушылары үш медаль жеңіп алды. Жасөспірімдер тобында Артур Смагулов жеңімпаз атанды, Никита Кривошеев-қола жүлдегер. Әйелдер арасында қысқа және еркін бағдарламалардың қорытындысы бойынша Анна Левковец екінші орынды иеленді. Мәнерлеп сырғанаудан Denis Ten Memorial Challenge-2022 халықаралық турнирі 26-28 қазанда Алматыда өтті. Мемориалға Әзірбайжан, Армения, Болгария, Венгрия, Германия, Грузия, Израиль, Италия, Қазақстан, Корея, Қырғызстан, Молдова, Украина, Франция, Жапония спортшылары қатысты. Денис Тенді еске алуға арналған халықаралық турнир 2019 жылдан бері өткізіліп келеді және ISU Challenger мәнерлеп сырғанау сериясының жетінші кезеңі болып табылады.
