Қысқы спорт түрлері бойынша олимпиадалық дайындық орталығының конькимен жүгірушісі Алина Дауранова Нидерландыдағы Әлем Кубогы кезеңінде күміс жүлдегер атанды. Ол Әлем Кубогі кезеңінің «В» тобында 500 метр қашықтыққа жүгіруден екінші орынға тұрақтады. Алина 38.75 секунд уақытын көрсетіп, жеке рекордын орнатты. Бұл нәтиже спортшымызға келесі жарыстың «А» тобына жолдама алуға мүмкіндік берді. Жарыс желтоқсан айында Канадада өтеді. Нидерландыда конькимен сырғанаудан Әлем Кубогының кезеңі 18-20 қарашада Херенвен қаласында өтті. Жарысқа Австрия, Бельгия, Ұлыбритания, Германия, Италия, Қазақстан, Канада, Қытай, Корея, Норвегия, Нидерланды, Польша, АҚШ, Румыния, Финляндия, Жапония спортшылары қатысты.
