5-6 желтоқсанда Қысқы спорт түрлері бойынша олимпиадалық даярлау орталығының базасында шаңғы жарысы бойынша Ақмола облысының Кубогына жарыс өтті. Жарысқа Бурабай, Сандықтау, Зеренді, Бұланды аудандарының, Көкшетау, Шантөбе және Щучинск қалаларының спортшылары қатысты. Сондай-ақ Қостанай, Павлодар облыстары мен Астана қаласының өкілдері болды. Спортшылар жарыста классикалық және еркін жарыста бақ сынады. Кубок жеңімпаздары бес жас санатында анықталды – ерлер/әйелдер, жасөспірімдер, аға, орта және кіші ұлдар/қыздар.
