ҚР Парламенті Сенаты мен Ресей Федерациясы Федералдық Жиналысының Федерация Кеңесі арасындағы ынтымақтастық жөніндегі комиссияның 18-ші отырысы аясында кездесуге қатысушылар Щучинск қаласындағы қысқы спорт түрлері бойынша олимпиадалық даярлау Орталығына келді. Сапар барысында делегация орталықтың жұмысымен, оның нысандарының жабдықталуымен танысты. - Мен осындай орталықты құруға қатысқандардың барлығына, осындай жоғары деңгейде осының бәрін ұйымдастырып, қолдау білдіргендерге үлкен рахмет айтамын, Біз мұнда бассейнде де, спорт залдарында да қарапайым балалар айналысатынын байқадық. Барлығына табысты спортшы болуды тілейміз! - деп тілегін білдірді Ресей Федералдық Жиналысы Федерация Кеңесі Төрағасының Бірінші орынбасары Андрей Яцкин. Қазақстан-Ресей кездесуінің соңында Андрей Яцкин әріптестеріне бірқатар өзекті мәселелерді жан-жақты талқылағаны үшін алғысын білдіріп, барлық салаларда одан әрі ынтымақтастыққа дайын екендігін атап өтті.
