Қысқы спорт түрлерінен олимпиадалық даярлау орталығының «қанатты» шаңғышысы Данил Васильев АҚШ Универсиадасында алтын медаль жеңіп алды. Екінші және үшінші орындарды австриялық спортшылар Максимилиан Ленер мен Тимон-Паскаль Канофер иеленді. Қысқы спорт түрлерінен олимпиадалық дайындық орталығының спортшысы Святослав Назаренко 20-орынға ие болды. Әйелдер арасында Вероника Шишкина 7-ші орынға ие болды. АҚШ Универсиадасында шаңғы трамплинінен секіру жарысы 16-20 қаңтарда өтеді. Жарысқа Австрия, Қазақстан, Норвегия, Польша, АҚШ, Чехия, Жапония спортшылары қатысады. «Қанатты» шаңғышылар командалық жарыстарда өнер көрсетуі керек.
Дайындаған: Наталья Няшина
