Астана қаласындағы «Алау» мұзайдынында конькимен жүгіруден IV қысқы Жастар спорт ойындары мәресіне жетті. Жарыс 13-17 наурызда өтті. Спортшылар 500, 1000, 1500, 3000, 5000 м, масс-старт, командалық спринт және командалық жарыстарда бақ сынасты. Ойындарға Қазақстанның 8 облысынан, Алматы және Астана қалаларынан 120 спортшы қатысты. Жарыс қорытындысы бойынша Қысқы спорт түрлері бойынша олимпиадалық даярлау орталығының конькимен жүгірушілері жеке есепте 24 медаль жеңіп алды. Олар 9 алтын, 9 күміс, 6 қола марапаттар. Командалық жарыста біздің спортшылардың есебінде тағы 10 марапат бар. Оның ішінде 3 «алтын», 3 «күміс» және 4 «қола» бар. ҚР IV қысқы Жастар ойындарының жеңімпаздары мен жүлдегерлері Алина Дауранова, Дарья Гаврилова, Арина Ильященко, Алена Лифатова, Алина Шумекова, Кристина Шумекова, Мария Кузнецова, Никита Важенин, Роман Биназаров, Андрей Семенов, Вадим Якубовский, Нұралы Ақжол, Алдияр Тюлюгенов бар. Конькимен жүгіруден IV қысқы Жастар спорт ойындарында жалпы есепте Астана қаласы жеңіске жетсе, Қостанай облысы 2-ші, Алматы қаласының командасы 3-сатыға тұрақтады.
Дайындаған: Наталья Няшина
