19-26 наурызда Қысқы спорт түрлері бойынша олимпиадалық даярлау орталығының базасында парашаңғы жарысы мен парабиатлоннан Қазақстан Республикасының Чемпионаты мен Кубогы өтті. Спортшылар спринтте және жеке жарыстарда бақ сынасты. Жарысқа еліміздің барлық өңірлерінен 20-дан астам паралимпиадашылар қатысты. ҚР Чемпионаты мен Кубогына қатысушылар арасында әлем чемпионы және шаңғы жарысы бойынша Әлем Кубогы-2023 кезеңдерінің жүлдегері Ербол Хамитов, Азия ашық кубогының жеңімпазы-2023 және әлем кубогы-2023 кезеңінің жүлдегері Александр Герлиц, сондай-ақ басқа да параспорттаушылар болды.
