Қысқы спорт түрлері бойынша олимпиадалық даярлау орталығының қызметкерлері Көктем мен Қазақстан халқының бірлігі мерекесін атап өтті. Салтанатты шара 26 сәуірде трамплиндер кешенінің аумағында өтті. - Мұндай іс-шаралар адамдарды біріктіреді, - деді Қысқы спорт түрлері бойынша олимпиадалық даярлау орталығының директоры Ардақ Төлендин. - Олар жас ұрпақтың Қазақстан - көпұлтты ел екенін және мұндағы барлық халықтардың біртұтас екенін ұмытпауы үшін қажет. Сондай-ақ, баршаңызға еңбегі үшін алғыс айтқым келеді. Біз бәріміз спортшылар үшін үлкен жетістіктерге жету үшін жұмыс істейміз. Аяқталған маусымда біздің спортшылар керемет нәтижелер көрсетті. Келесі маусым одан да сәтті болады деп ойлаймын және біздің спортшылар біздің үміттерімізді ақтайды. Мерекелік іс-шарада патриоттық әндер, театрландырылған қойылымдар, отты билер болды. Ерлер арасында дәстүрлі спорттық жарыстар мен «Наурыз аруы» байқауы өтті. Жарыстар мен конкурстардың ең белсенді, талантты, мықты және епті қатысушылары грамоталармен және естелік сыйлықтармен марапатталды.
