11-15 тамызда Қысқы спорт түрлері бойынша Олимпиадалық даярлау орталығының базасында шаңғы жарысынан ұлдар мен қыздар арасында Қазақстан Республикасының жазғы чемпионаты өтті. Жарыс аясында спортшылар классикалық және еркін роликті шаңғы жарыстарынан, сонымен қатар шаңғы жарысынан сынға түсті. Жарысқа Қазақстанның 13 облысынан 300-ден астам шаңғышылар қатысты, сонымен қатар көршілес елдердің өкілдері де қатысты. Үлкен, орта және кіші жас топтары бойынша ұлдар мен қыздар арасында медальдар ойналды. Чемпионаттың жалпыкомандалық есебінің қорытындысы бойынша бірінші орынды Қарағанды облысының спортшылары иеленді. Олардың қоржынында 5 алтын, 2 күміс және 6 қола медаль бар. Қостанайлықтар екінші болды. Олардың қоржынында 2 «алтын», 3 «күміс» және қола. Үшінші орында – 2 алтын, 2 күміс медаль жеңіп алған Ақтөбе облысының құрамасы.
