Шаңғы роллерлерінен жасөспірімдер арасындағы Әлем чемпионаты масс-стартмен аяқталды. Қазақстандық спортшылар арасында Қысқы спорт түрлері бойынша олимпиадалық даярлау орталығының шаңғышысы Елизавета Толмачева үздік нәтиже көрсетті. Ол Нора Валениус (Швеция), Анна Мария Гиди (Италия) және София Шкатуладан (Украина) жеңіліп, 4-ші орынды иеленді. Мария Геращенко 12-ші орынды иеленді. Виолетта Митропольская 19-шы орынды иеленді. Ерлер жарысында Сұлтан Базарбеков 5-ші орында. Үш көшбасшы Антон Гран (Швеция), Марко Гауденцио (Италия) және Виктор Норберг (Швеция) болды. Топ-10-ға қазақстандықтар Артем Зявялов пен Дастан Калибеков кірді. Қазақстандық команда Әлем чемпионатының 2 медалін жеңіп алды. Бұл жеке жарыста Сұлтан Базарбековтың «қоласы» және супер-спринтте Мария Геращенконың «қоласы». Естеріңізге сала кетейік, жасөспірімдер арасындағы Әлем чемпионаты 18-20 тамызда Латвияның Мадона қаласында өтті. Халықаралық жарыстарға 10 елден 60-қа жуық спортшы қатысты. Спортшылар жеке жарыстарда, супер-спринтте және масс-стартта бақ сынасты.
