Виль-ди-Фьеме қаласында (Италия) шаңғы роллерлерінен Әлем Кубогының соңғы кезеңі басталды. Жарысқа қатысушылар арасында 16 елдің өкілдері - Германия, Греция, Италия, Қазақстан, Кения, Латвия, Лихтенштейн, Норвегия, Румыния, Словакия, Словения, Тайбэй, Украина, Швейцария, Швеция және Эстония. 8 қыркүйекте, бірінші жарыс күнінде, спортшылар еркін жарыста масс-стартқа түсті. Жасөспірімдер тобында Қысқы спорт түрлері бойынша олимпиадалық даярлау орталығының шаңғышысы Сұлтан Базарбеков 4-ші орынды иеленді. Дастан Қалибеков - 6-шы орында. Артем Завялов 10-шы орынды иеленді. Үштікке Аксель Артуси (Италия), Джонатан Линдберг(Швеция) және Марко Гауденцио (Италия) кірді. Жасөспірімдер арасында қазақстандық спортшы Мария Геращенко 5-ші орынды иеленді. Елизавета Толмачева 7-ші орында. Масс-старттың қорытындысы бойынша ең мықты үштікке итальяндықтар Мария Гисмонди, Анна Мария Гиди және Украинадан келген спортшы Анастасия Иванченко кірді. 9 қыркүйекте шаңғы роллерлерінен Әлем Кубогының кезеңі аясында спортшылар спринтте өнер көрсетеді.
