Соңғы жаңалықтар

Қысқы спорт түрлері бойынша олимпиадалық даярлау орталығының «қанатты» шаңғышысы Данил Васильев FIS Кубогының бірінші жарыс күнінің көшбасшысы болып атанды. Спортшы құрмет тұғырды Мартин Хаманн (Германия) және Ульрих Волгенантпен (Австрия) бөлісті. ҚСТ ОДО-ның тағы бір спортшысы Илья Мизерных FIS Кубогында 15-ші нәтиже көрсетті. Жарысқа әлемнің 13 елінен барлығы 78 спортшы қатысты. Қазақстандық команда үшін Данил Васильевтің жеңісі отандық шаңғымен секіру тарихындағы FIS Кубогының ересектер арасындағы алғашқы старты болды.

Қысқы спорт түрлері бойынша олимпиадалық даярлау орталығының тау шаңғышысы Ростислав Хохлов - Азия Жасөспірімдер Чемпионатының қола жүлдегері. Слалом пәнінде спортшы үшінші орынға ие болды. Спортшы Корея өкілі Си-Ван Ё және қытайлық тау шаңғышысы хау Цен Адриан Янгпен құрмет тұғырын бөлісті. Азия Чемпионаты 9-10 наурызда Қытай жерінде өтті. Жарысқа Гонконг, Иран, Қазақстан, Қытай, Корея, Қырғызстан, Ливан, Моңғолия, Непал, Пәкістан, Таиланд, Тайвань, Өзбекстан елдерінің спортшылары қатысты.

6-12 наурыз айында Риддер қаласында (ШҚО) шаңғы жарысы бойынша ҚР Жастар Чемпионатының 2 туры өтіп шықты. Жарыс аясында еркін жарыстар, қудалау жарыстары, командалық спринттер және эстафеталар өткізілді. Жарысқа Қазақстанның 12 өңірінен 130-дан астам спортшы қатысты. Чемпионат қорытындысы бойынша Қысқы спорт түрлері бойынша олимпиадалық даярлау орталығының шаңғышылары 26 марапатқа ие болды. Олардың ішінде 9 «алтын», 10 «күміс» және 7 «қола» бар. Жеңімпаздар мен жүлдегерлер қатарында Лаура Киныбаева, Анастасия Ротова, Мария Люфт, Анастасия Хвощенок, Елизавета Толмачева, Милана Мамедова, Сабина Сулейменова, Дарья Рахманова, Виолетта Митропольская, Виктория Колесникова, Аружан Сабирова, Дидар Касенов, Артем Завялов, Илияс Исабек, Берик Боранбаев, Егор Кадыров, Радомир Малов, Аубакир Тотанов, Султан Базарбеков, Дастан Калибеков және Павел Гренц. Жастар чемпионатының екі турының жалпы есебінің қорытындысы бойынша үштікті Шығыс Қазақстан, Ақмола және Қостанай облыстарының спортшылары құрады.

Қысқы спорт түрлері бойынша олимпиадалық даярлау орталығының фристайл-акробаттары ҚР Чемпионатында 3 медаль жеңіп алды. Жеке жарыста Асан Асылхан алтын жүлдегер атанды. Спортшы бірінші орынды фристайл-акробатикадан ҚР Ұлттық құрамасының мүшесі, 2022 жылғы Қысқы Олимпиада ойындарының қатысушысы Шерзод Хаширбаевпен бөлісті. Командалық секірулерде «алтын» және «күміс» медалдарді Роман Погосян және Максим Павлов алды. Фристайл-акробатикадан ҚР Чемпионаты 12 наурызда Шымбұлақ тау шаңғы курортында өтті.

Қысқы спорт түрлері бойынша олимпиадалық даярлау орталығының тау шаңғышысы Александра Скороходова Италияда FIS-старттарда алтын медаль жеңіп алды. Екінші және үшінші орындарға итальяндық спортшылар Флавия Дилетта Джордано мен Петра Унтерхолзнер ие болды. Жарыс 7-8 наурыз айында Валле-ди-Казиес тау шаңғы курортында өтті. Спортшылар слалом пәнінде өнер көрсетті. Әйелдер жарыстарына Австралия, Австрия, Аргентина, Бельгия, Ұлыбритания, Германия, Италия, Қазақстан, Румыния, Словакия, Чехия және Финляндия елдерінен 50-ден астам тау шаңғышылары қатысты.

Қысқы спорт түрлері бойынша олимпиадалық даярлау орталығының могулшілері фристайлдан Әлем Кубогының үй кезеңінде қатысты. Жарыстар 8-10 наурызда Шымбұлақ тау шаңғы курортында өтті. Жарысқа Австралия, Австрия, Ұлыбритания, Германия, Қазақстан, Канада, Қытай, Корея, АҚШ, Украина, Финляндия, Франция, Швеция, Жапония елдерінен спортшылар қатысты. Көшбасшы үш пәндерде анықталды, могул параллель могул және акробатика. ҚСТ ОДО спортшылары арасында үздік нәтижені Федор Бугаков көрсетті, бірінші жарыс күні турнир хаттамасының 25-ші орнын иеленді. Әлем кубогының үй кезеңінде қазақстандық спортшы Павел Колмаков параллель могулда «күмісті» жеңіп алды. Юлия Галышева могул пәні бойынша үздік 5-ке кірді.

Қысқы спорт түрлері бойынша олимпиадалық даярлау орталығының конькимен жүгірушілері спринттік көпсайыста ересектер арасындағы Әлем Чемпионатында өнер көрсетті. Жарыстар 7-10 наурызда Германияның Инцелль қаласында өтті. Жарысқа Австрия, Бельгия, Ұлыбритания, Германия, Дания, Италия, Испания, Қазақстан, Канада, Қытай, Корея, Нидерланды, Норвегия, Польша, АҚШ, Чехия, Швейцария, Эстония, Жапония елдерінің спортшылары қатысты. ҚСТ ОДО спортшылары арасында үздік нәтижені Нұралы Ақжол көрсетті. 500 м қашықтықта ол 13-ші орынға ие болды. Алина Дауранова 1000 м қашықтықта 14-ші болды. Спринттік көпсайыста конькимен жүгіруден Әлем Чемпионаты 1970 жылдан бастап, жыл сайын өткізіліп келеді. Чемпионат екі күнде өтеді. Спортшылар бірінші және екінші күні 500 және 1000 метр қашықтыққа жүгіреді. Жеңімпаздар төрт қашықтықта жиналған ұпай сомасы бойынша анықталады.

Қысқы спорт түрлері бойынша олимпиадалық даярлау орталығының мәнерлеп сырғанаушысы Екатерина Балюба жасөспірімдер арасындағы Әлем Чемпионатында өнер көрсетті. Жарыс 26 ақпан - 3 наурыз аралығында Тайвань аралында өтті. Жарысқа әлемнің 40 елінен 46 спортшы қатысты.

Әлем Чемпионатының қорытындысы бойынша Екатерина Балюба 34 - орынға ие болды. Көшбасшылардың үштігіне Мао Шимада (Жапония), Джия Шин (Корея) және Рена Уезоно (Жапония) кірді. 

Эстонияда жеткіншектер мен жасөспірімдер арасындағы биатлоннан Әлем Чемпионаты аяқталды. Жарыс 23 ақпан - 2 наурыз аралығында Отепя қаласында өтті. Жарысқа әлемнің 40-қа жуық елінен 400-ден астам спортшы қатысты. Әлемдік біріншілік аясында спринттер, жеке жарыстар, жаппай старт және эстафеталар өтті.

Чемпионатта қазақстандық спортшылар арасында үздік нәтиже Вадим Куралес көрсетіп, жеке жарыста 8-ші орынды иеленді. Түрлі қашықтықтағы топ-30-ға Қысқы спорт түрлері бойынша олимпиадалық даярлау орталығының жасөспірімдері Данил Червенко, Арина Крюкова және қазақстандық биатлоншы Милана Генева кірді.

26-29 ақпанда Қостанай қаласында спорт мектебінің оқушылары арасында шаңғы жарысынан Қазақстан Республикасының чемпионаты өтті. Спортшылар еркін және классикалық стильде және масс-стартта жарысты.

Жарыс қорытындысы бойынша Қысқы спорт түрлері бойынша олимпиадалық даярлау орталығының спортшылары 30 медаль жеңіп алды. Олардың ішінде 7 алтын, 14 күміс және 9 қола бар. Жеңімпаздар мен жүлдегерлер қатарында Дидар Касенов, Илияс Исабек, Артем Завялов, Дастан Калибеков, Берік Боранбаев, Әубәкір Тотанов, Ернар Нұрсбеков, Султан Базарбеков, Егор Кадыров, Елизавета Толмачева, Виолетта Митропольская, Анастасия Хвощенок, Виктория Колесникова, Лаура Киныбаева, Евгения Вадутова бар.

Щучинск қаласында Тәуелсіз Қазақстанның тұңғыш Олимпиада чемпионы аталып өтті. Осыдан тура 30 жыл бұрын, 1994 жылы Норвегияның Лиллехаммер қаласында қысқы Олимпиада ойындарында шаңғы жарысшысы Владимир Смирнов жоғары сынақ наградасын жеңіп алып, өзінің есімін қазақстандық спорт тарихына мәңгілікке енгізді.
29 ақпанда Қысқы спорт түрлері бойынша олимпиадалық даярлау орталығының базасында атақты чемпионмен кездесу өтті. Іс-шараға атақты спортшылар Дәулет Тұрлыханов, Серік Сәпиев, ҚР Парламенті Мәжілісінің депутаттары, ҚР Олимпиада комитетінің, ҚР Туризм және спорт министрлігінің және орталық мемлекеттік органдарының өкілдері қатысты. Владимир Михайловичты мерейтойлық күнімен құттықтады, сонымен бірге,екінші дәрежелі «Достық» ордені, ҚР Туризм және спорт министрінің құттықтау хаты және басқа да марапаттар табыс етілді. - Осындай керемет күні бұл марапат үшін ең алдымен ҚР Президентіне Жоғары жетістіктер спортына көңіл бөлгені үшін алғыс айтқым келеді, - деді Владимир Смирнов. - Сондай-ақ, алғысымды Ақмола облысының әкімі Марат Мұратұлы Ахметжановқа бүгінгі ұйымдастырған керемет мерекесі үшін айтамын. Алдағы уақытта біздің облысымыздың, ауданымыздың тағы бір өкілі елімізді барлық халықаралық жарыстарда дәріптеуі үшін мен барынша күш саламын деп үміттенемін. Мерейтой күніне орай республикалық жаппай шаңғы жарысы өтті. Мәреге жеткендердің барлығына Олимпиада чемпионының қолынан медаль алу бұйырды. Сондай-ақ, Владимир Михайлович жарысқа қатысушылармен қолтаңба сессиясын өткізіп, жас спортшыларға халықаралық аренада сәттілік, күш пен биік тұғыр тіледі.

«Бурабай» мұз жарысына Қысқы спорт түрлері бойынша олимпиадалық даярлау орталығының директоры Ардақ Төлендин қатысты. ҚСТ ОДО орталығының басшысы өз үлгісімен барлық жастағы адамдарды салауатты өмір салтын ұстануға, бұқаралық спортпен айналысуға шақырады. Спортшыларды қыстың суығымен, желмен, мұзбен сынайтын мұндай шаралар жеңімпаздың ерік-жігерін, рухын шыңдай түседі. 24 ақпан күні Әулиекөл көліндегі Жұмбақтас тас аралының айналасындағы Бурабай ұлттық саябағында 7, 14 және 21 шақырымдық қашықтықта әлемде теңдесі жоқ «Бурабай» мұз жарысы өтті. Жарысқа Қазақстан, Үндістан, Италия, Ресей, АҚШ, Өзбекстан, Франция және Ұлыбританиядан 600-ден астам кәсіпқой және әуесқой спортшылар қатысты. Барлық қатысушылар жүлделі орындарға ие болды. Жартылай марафонның жеңімпаздары мен жүлдегерлері бөлек аталды. «Бурабай мұзы» биыл екінші жыл және өңірдегі жарыстар сериясының үшеуінің бірі. Барлық үш жартылай марафонды аяқтаған қатысушылар бөлек жүлде санатына - Солтүстік патшасы мен ханшайымы атағына ие болады.