Соңғы жаңалықтар

Шорт-тректен ҚР әйелдер құрамасы жасөспірімдер арасындағы Әлем Кубогының III кезеңінде күміс жүлдегер атанды. 3000 метрге эстафетада Қысқы спорт түрлері бойынша олимпиадалық даярлау орталығының спортшылары Анастасия Астраханцева, Полина Омельчук, Алина Ажгалиева, Гүлдана Жалмұхан және Зейнеп Құмарқан 2-ші орынды иеленді. Жарыстың көшбасшысы Корея командасы, үшінші орында Нидерландыдан келген спортшылар болды. Шорт-тректен жасөспірімдер арасындағы Әлем Кубогының кезеңі 17-18 ақпанда Нидерланды елінде өтті. Кубок аясында спортшылар 500, 1000, 1500 м қашықтықтан және эстафетадан өтті. Жарысқа әлемнің 20-дан астам елінен, 160-қа жуық спортшы қатысты.

Қысқы спорт түрлері бойынша олимпиадалық даярлау орталығының мәнерлеп сырғанаушылары беделді Abu Dhabi Classic Trophy халықаралық турнирінің жүлдегерлері атанды. София Фарафонова мен Анна Левковец әйелдер арасында күміс және қола медаль жеңіп алды. Зере Сарбалина - жасөспірімдер арасында күміс жүлдегер болып атанды. Abu Dhabi Classic Тrophy мәнерлеп сырғанау турнирі 16-18 ақпанда Біріккен Араб Әмірліктерінде өтті. Жарысқа Армения, Гонконг, Грузия, Қазақстан, Литва, Марокко, Түрікменстан, Өзбекстан, Эстония елдерінін спортшылары қатысты.

СЛОВЕНИЯДА ТҰҒЫРДАН ШАҢҒЫМЕН СЕКІРУДЕН ЖАСӨСПІРІМДЕР АРАСЫНДАҒЫ ӘЛЕМ ЧЕМПИОНАТЫ ӨТТІ

Словенияда өткен Әлем Чемпионатында Қысқы спорт түрлері бойынша олимпиадалық даярлау орталығының шаңғышысы Данил Васильев топ-10 құрамына кірді. Спортшы Normal Hill HS 102 тұғырда жеке секіру бойынша 8-ші орынды иеленді. Стефан Эмбахер (Австрия) чемпион болып атанды. Екінші орында - Эрик Белшоу (АҚШ), үшінші орында - Адриан Титтель (Германия). Сол стартта Илья Мизерных 14-ші нәтижені көрсетті. Турнирге әлемнің 22 елінен 63 спортшы қатысты.

Тұғырдан секіру бойынша Әлем чемпионаты 7-11 ақпан аралығында Словенияның Планица қаласында өтті. Халықаралық жарыстар аясында ерлер мен әйелдердің жеке және командалық секірулері, сондай-ақ аралас командалық секірулер сияқты жарыстар түрі өтті. Қазақстандық құраманың атынан Данил Васильев, Илья Мизерных, Ильшат Кадыров, Святослав Назаренко, Алена Свириденко, Виктория Рулева, Софья Шишкина, Мария Юдакова қатысты.

Қысқы спорт түрлері бойынша олимпиадалық даярлау орталығының биатлоншылары Еуропа ашық чемпионатында өнер көрсетті. Старттар 7-11 ақпан айында Польша елінде өтті. Жарыс аясында спринттер, жеке жарыстар және жаппай жарыстар өтті. Еуропа чемпионатындағы тұғырға ең жақын Арина Крюкова болды. Жаппай стартта ол 5-ші мәре сызығын кесіп өтті. Спринт және жеке жарыста спортшы 8-ші орынға ие болды. Ерлер тобында Егор Гребенщиков жеке жарыста үздік нәтиже көрсетті, ол 14-ші орынды иеленді. Ал, жаппай стартта Вадим Куралес 14-ші болды. Жарысқа әлемнің 20-дан астам елінен 200-ден астам биатлоншы қатысты.

Қысқы спорт түрлері бойынша олимпиадалық даярлау орталығының шаңғы жарысы бөлімінің спортшылары жасөспірімдер арасындағы Әлем чемпионатына қатысты. Халықаралық старттар 5-11 ақпан аралығыда Словенияда өткен болатын. Әлемдік біріншілік аясында спринттер, жаппай старттар аралас эстафеталар және классикалық стильдегі жеке жарыстар бойынша бақ сынасты. Медальдар жасөспірімдер мен андерлер арасында ойналды. Спринтте Қысқы спорт түрлері бойынша олимпиадалық даярлау орталығының спортшылары үздік нәтиже көрсетті. Артем Завялов жасөспірімдер арасында 17-ші орынды иеленді. Сондай-ақ, 17-ші болып классикалық жеке жарысты Султан Базарбеков аяқтады. Аралас эстафеталарда Қазақстандық команда 22-ші орыннан 15-орынға көтерілді. Бұқаралық стартта Дастан Калибеков топ-20-ға енді.

Қазақстандық конькимен жүгірушілер жасөспірімдер арасындағы Әлем Чемпионатында екі марапатқа ие болды. Командалық спринтте Дарья Гаврилова, Алина Шумекова және Кристина Шумекова күміс жүлдегерлер атанды. Командалық пасьютте Алина Шумекова, Кристина Шумекова және Мария Деген үшінші орынға ие болды. Конькимен жүгіруден жасөспірімдер арасындағы Әлем Чемпионаты 9-11 ақпанда Жапонияда өтті. Әлемдік біріншілік аясында 500, 1000, 1500, 3000, 5000 м жарыстар, масс-старт және командалық жарыстар өтті. Чемпионатқа әлемнің 20 елінен 130 спортшы қатысты.

6-10 ақпанда Қысқы спорт түрлері бойынша олимпиадалық даярлау орталығының тау шаңғышылары Қырғызстанда FIS-стартқа қатысты. Спортшылар гигант-слалом және слалом пәндерінде бақ сынасты. FIS-старт қорытындысы бойынша Қысқы спорт түрлері бойынша олимпиадалық даярлау орталығының спортшылары 12 медаль жеңіп алды. Оның ішінде 2 «алтын», 4 «күміс» және 6 «қола» бар. Жеңімпаздар мен жүлдегерлер арасында Ксения Бережная мен Яна Мелинг бар.

Оңтүстік Кореяда 19 қаңтар - 1 ақпан аралығында өткен қысқы жасөспірімдер олимпиадасы өз мәресіне жетті. ҚЖОО-2024-те биатлон, тау шаңғысы, керлинг, конькимен жүгіру спорты, шаңғы жарысы, тұғырдан шаңғымен секіру, фристайл-могул, шорт-трек, хоккей спорт түрлері бойынша 9 спорт түрінен Қазақстандық 41 спортшы қатысты, оның ішінде 26 қатысушы  - «Қысқы спорт түрлері бойынша олимпиадалық даярлау орталығының» спортшылары. «Қысқы Жасөспірімдер Олимпиадасының ашылу салтанатында» Қазақстан Республикасының көк байрағын «ҚСТ ОДО» -ның   конькимен жүгіру спортының қатысушысы Кристина Шумекова және шорт-трек қатысушысы Ерасыл Шыңғысхан көтерді.

ҚЖОО-2024 қорытындысы бойынша ҚР құрамасы жалпы командалық есепте 20 –шы орынды иеленді. Қазақстандық спортшылардың қоржыны 1 алтын және 2 қола медальға толды. 11 алтын, 3 күміс және 3 қола иеленген Италия командасы медальдық санақтың көшбасшысы болды.

Жасөспірімдер арасындағы Олимпиада чемпионы «ҚСТ ОДО» - ның спортшысы шаңғышы Илья Мизерных. Оның жеңісі қысқы Жасөспірімдер Олимпиадасында жеңіп алған жоғары марапат ретінде алғаш рет қазақстан спортының тарихына үлкен жетістік болып енді. Илья әлемнің 25 елінен 38 қарсыласын жеңіп, 214 ұпай жинады. 1 – ші орынға ие болған қазақстандық спортшымен бірге құрмет тұғырына австриялық Никки Хамл мен поляк Лукас Лукашук көтерілді.

Илья Мизерных – Алматы қаласынан, трамплиннен шаңғымен секіру бойынша ҚР спорт шебері. ҚР Ұлттық құрамында, «Қысқы спорт түрлері бойынша олимпиадалық даярлау орталығының» спортшысы. Жеке жаттықтырушысы - Александра Губченко. ҚР жастар құрамасының ҚСТ ОДО тұғырдан шаңғымен секіру бойынша аға жаттықтырушысы Кайрат Биекенов. Илья Мизерных - республикалық және халықаралық жарыстардың бірнеше дүркін жеңімпазы және жүлдегері.

Олимпиаданың қола жүлдегері «ҚСТ ОДО» –ның шорт-трекисті Полина Омельчук. Полина Омельчук 1000 м қашықтықта үшінші орынды иеленді. Жарыстың жеңімпазы-Қытай өкілі Цзиньцзи Ли. Күміс жүлдегер - оның отандасы Джинжу Янгке бұйырды. Бұл стартқа әлемнің 24 елінен келген 35 спортшы қатысқан болатын.

Полина Омельчук - Қостанай облысының тумасы, шорт-тректен ҚР спорт шебері. Сонымен қатар, ҚР жастар құрамасында өнер көрсетеді, «Қысқы спорт түрлері бойынша олимпиадалық даярлау орталығының» спортшысы. Жеке жаттықтырушысы - Анатолий Галечин, ҚСТ ОДО шорт-трек бойынша ҚР жастар құрамасының аға жаттықтырушысы Данабек Хайров. Полина Омельчук - облыстық және республикалық жарыстардың бірнеше дүркін жеңімпазы және жүлдегері, халықаралық жарыстардың қатысушысы.

Канвон-2024 Олимпиадасының тағы бір «қоласы» Қазақстандық хоккей командасының есебінде (3х3). Спортшылар Польша, Австрия, Латвия, Дания, Қытай Тайбэй, Испания және Ұлыбритания құрамаларымен 7 іріктеу матчын өткізді, нәтижесінде жартылай финалға жолдама алды. Жартылай финалдық және финалдық ойындардың нәтижелері бойынша Латвиядан келген хоккейшілер ҚЖОО-2024 чемпиондары атанды. Екінші орында-Дания командасы. Қазақстандық спортшылар – үшінші жүлдедеге иелік етті. Бұл медаль қазақстандық хоккейшілердің беделді халықаралық старттардағы алғашқы марапаты ретінде қазақстан спортының тарихына енді.

Олимпиадада Қазақстан атынан қатысқан басқа да спортшылар  лайықты өнер көрсетті. Мысалы, қысқы спорт түрлері бойынша олимпиадалық даярлау орталығының тау шаңғышысы Александра Скороходова Гигант-слалом жарысынан топ 5-ке кірді. Қазақстандық тау шаңғышылары жасөспірімдер олимпиадасының тарихында жеңісті нәтижені алғаш рет көрсетті.

ҚСТ ОДО  конькимен жүгірушілері Руслан Жанадилов, Алина Шумекова, Кристина Шумекова 500 және 1500 м қашықтықтағы үздік ондық спортшылар қатарында. Аралас жеке эстафетада биатлоншылар Алема Қарабаева мен Ильяс Хасенов 30 команданың арасынан 10-шы нәтиже көрсетті. Спринттегі үздік 20-да ҚСТ ОДО биатлоншысы Антон Редькин есімі аталды.

Шорт-трекист Анастасия Астраханцева 1500 м қашықтықта финалға шықты. Полина Омельчук А финалында 6-шы орынды иеленді.

ҚСТ ОДО  могулистері  Юлия Феклистова мен Денис Раструба халықаралық аренада өздерін лайықты қарсылас ретінде танытып, параллель могулдағы ең мықты деген ондықтың ішіне кірді.

Қазақстандық шаңғышылар арасында үздік нәтижені Виолетта Митропольская көрсетті. Классикалық қозғалыспен жеке жарыста 78-ден 25-ші орынға көтерілді. Аралас эстафетада 24 команда арасында Қазақстандық шаңғышылар 16-шы орынды иеленді.

Канвон-2024-Орта Азия елінде өткізілген төртінші қысқы жасөспірімдер олимпиадасы. Бұл олимпиада түрі осыған дейін 2012 жылы Австрияда, 2016 жылы Норвегияда, 2020 жылы Швейцарияда өткен болатын. 2024 жылы Кореяда өткен 4-ші қысқы Жасөспірімдер олимпиадалық ойндарында Қазақстандық спортшылар алғаш рет бір «алтын», екі «күміс» және жеті «қола» есебімен жүлделі нәтижеге жетті.

Польшаның Якушице қаласында биатлоннан юниорлар арасындағы IBU Кубогының үшінші кезеңі аясында екінші спринт жарысы аяқталды.

Ерлер арасында 10 км спринтте биатлоншымыз Вадим Куралес 103 спортшының арасынан мәреге 5-ші болып жетті. (+25.0; 2)
Алғашқы болып жеңіске австриялық Лукас Хаслингер (29:31.4;1) жетсе, екінші болып тағы бір австрия биатлоншысы Давид Ноймайр (+20.2;1) үшінші болып неміс спортшысы Беньямин Менц келді.(+20.9;2). Қазақстан құрамасы атынан өнер көрсеткен Гребенщиков Егор 7-ші, Червенко Данил 16-шы, Афанасьев Артем 45-ші, Амурлаев Руслан 53-ші болып жарысты аяқтады. Екі күн қатарынан үздіктер қатарынан көрінген юниорлар құрамасын сәтті өнер көрсетулерімен құттықтаймыз! Алға, Қазақстан!

Қазақстандық конькимен жүгірушілер Канададағы Әлем Кубогы кезеңінің қола жүлдегерлері атанды. Үшінші орынды әйелдер командалық спринтінде спортшылар иеленді. Жарыстың жүлдегерлері Екатерина Айдова мен Қысқы спорт түрлері бойынша олимпиадалық даярлау орталығының конькимен жүгірушілері Алина Дауранова мен Инесса Шумекова болды. Жарыстың көшбасшысы Нидерланды командасы, екінші орында Польшадан келген спортшылар болды.

Қысқы спорт түрлері бойынша олимпиадалық даярлау орталығының мәнерлеп сырғанаушылары Төрт құрлық Чемпионатына қатысты. Жарыс 29 қаңтар - 4 ақпан аралығында Қытайда (Шанхай қ.) өтті. Жарысқа Австралия, Гонконг, Қазақстан, Канада, Қытай, Корея, Мексика, АҚШ, Филиппин, Жапония спортшылары қатысты. Чемпионат қорытындысы бойынша София Фарафонова 17-ші орынды иеленді. Анна Левковец 23-ші орынға ие болды. Жарыстың жеңімпазы Монэ Тиба (Жапония) болды.

Жапонияда конькимен жүгіруден жасөспірімдер арасындағы Әлем Кубогының III кезеңі басталды. 3 ақпанда 1000, 3000 м қашықтықтағы жарыстар және командалық спринт өтті. Жеңімпаздар мен жүлдегерлерді екі жас тобында - жасөспірімдер мен нео-сеньорлар анықтады. Бірінші жарыс күнінің қорытындысы бойынша Қысқы спорт түрлері бойынша олимпиадалық даярлау орталығының конькимен жүгірушілері 5 марапатқа ие болды. Олардың ішінде жеке есепте 1 қола медаль, сондай-ақ командалық спринтте 1 «алтын», 1 «күміс» және 2 «қола» бар. Нео-сеньорлар тобында Мария Кузнецова 1000 м қашықтықта қола жүлдегер атанды. Бірінші орында Сара Кабрера (Испания), екінші орында қазақстандық спортшы Маргарита Артемьева тұр. Нео-сеньорлар арасындағы командалық спринтте Алена Лифатова, Мария Кузнецова және Маргарита Артемьева жарыстың көшбасшылары болды. Екінші орында Испания құрамасы, үшінші орында - Латвия құрамасы тұр. Ерлер арасындағы жарыста Руслан Жанадилов, Аскар Абдумалик және Кудайберген Темиржанов үшінші орын алды. Жасөспірімдер тобындағы командалық спринтте Дарья Гаврилова, Алина Шумекова және Кристина Шумекова күміс жүлдегерлер атанды. Бірінші орында Нидерланды командасы, үшіншісі - Польшадан келген спортшылар тұр. Жасөспірімдер арасында Руслан Жанадилов, Андрей Семенов және Михаил Глущенко «қоланы» жеңіп алды. Бірінші және екінші орында Германия мен Канада құрамалары тұр. Конькимен жүгіру спортынан Әлем Кубогы кезеңіне Австрия, Австралия, Бельгия, Венгрия, Германия, Испания, Италия, Қазақстан, Канада, Корея, Латвия, Нидерланды, Норвегия, Португалия, Румыния, АҚШ, Жапония спортшылары қатысады. Ертең, 4 ақпанда спортшылар 500, 1500 м және масс-стартта өнер көрсетеді.