Соңғы жаңалықтар

23 қарашада Қысқы спорт түрлері бойынша олимпиадалық даярлау орталығының базасында 2023-2024 жж. қысқы маусымының ашылуына арналған шаңғыдан жарыстар өтті. Жарыстарға Қазақстанның 7 өңірінен, таяу шет елдерден де, барлық жастағы 300-ге жуық спортшылар мен әуесқойлар қатысты. Шаңғышылар еркін жарыста бақ сынады. Жарыс қорытындысы бойынша жеңімпаздар мен жүлдегерлер грамоталармен және медальдармен марапатталды.

2-5 қарашада Астанада DENIS TEN MEMORIAL CHALLENGE 2023 халықаралық турнирі өтті. Белгілі қазақстандық мәнерлеп сырғанаушыны еске алу және беделді жарыстарда өнер көрсету үшін, Қазақстанға Австралия, Әзірбайжан, Армения, Бельгия, Бразилия, Венгрия, Германия, Грузия, Израиль, Кипр, Корея, Польша, Сербия, Түркия, Өзбекстан, Украина, Чехия, Швеция, Финляндия, Франция, Эстония, Оңтүстік-Африка Республикасының мәнерлеп сырғанаушылары келді. Жеке конькиде ересектер арасындағы турнирдің жеңімпаздары Юхеон Лим (Корея) және Мария Сенюк (Израиль) болды. Жасөспірімдер тобында - Хабин Чой (Корея) және Инга Гургенидзе (Грузия) жеңімпаз атанды. Қысқы спорт түрлері бойынша олимпиадалық даярлау орталығының конькимен сырғанаушылар арасында Денис Тен мемориалында үздік нәтиже көрсеткен Никита Кривошеев болды. Ол жасөспірімдер тобында төртінші болды. Артур Смагулов - бесінші орында. Жас санаттарындағы үздік 10-ға София Фарафонова, Анна Левковец, Зере Сарбалина кірді. Халықаралық турнир аяқталғаннан кейін әлемдік деңгейдегі мәнерлеп сырғанау жұлдыздары Шей Лин Бурн (Канада), Мари Пьер (Франция), ресейліктер Аделия Петросян, Алена Косторная, Георгий Куницаның қатысуымен қайырымдылық гала-шоу өтті. Гала-шоудан түскен қаражат Қазақстанда мәнерлеп сырғанауды дамытуға және Денис Тен академиясының жас, талантты мәнерлеп сырғанаушыларын қолдауға жұмсалады.

Канадада Төрт Құрлық Чемпионаты аяқталды. Халықаралық жарыстар 3-5 қарашада Лавал қаласында өтті. Чемпионат аясында 500, 1000, 1500 м қашықтықтағы жарыстар мен эстафеталар өтті. Жарысқа әлемнің 9 елінің спортшылары қатысты. Чемпионат қорытындысы бойынша Қазақстан құрамасы әйелдер эстафетасында «қола» жеңіп алды. Жүлдегерлер Яна Хан, Ольга Тихонова, Малика Ермек, Мадина Жанбусинова және Қысқы спорт түрлері бойынша олимпиадалық даярлау орталығының шорт-трекшы Алина Ажгалиева болды. Бас жүлде жарыс қожайыны Канаданың еншісінде кетсе, Оңтүстік Корея күміс медальге ие болды.

Қысқы спорт түрлері бойынша олимпиадалық даярлау орталығының могулшылары Австрия Кубогында (FIS Freestyle Buckelpisten Opening) 4 марапатқа ие болды. Олар екі «күміс» және екі «қола» бар. Жүлдегерлер қатарында Анастасия Ларионова, Юлия Феклистова және Денис Раструба бар. Халықаралық жарыстар 4-5 қарашада Хинтертукс тау шаңғысы курортында өтті. Жарысқа әлемнің 9 елінің спортшылары қатысты.

Республика күніне арналған салтанатты іс-шара Қысқы спорт түрлері бойынша олимпиадалық даярлау орталығының базасында өтті. Ұжымды ұлттық мерекемен ҚСТ ОДО директоры Ардақ Тулендин құттықтады. - 25 қазан - еліміздегі № 1 мереке болып саналады, - деп атап өтті Ардақ Болатұлы. -1990 жылы осы күні Қазақстанның тәуелсіздігі туралы Декларацияға қол қойылып, егемен мемлекет мәртебесі алынды. Баршаңызды осы мерекемен құттықтаймын, амандық пен біздің жұмысымызға үлкен табыс тілеймін! Бізде өте қарқынды маусым болды және жалғасуда. Біз бірнеше ірі халықаралық старттарды өткіздік, жарыстарды ұйымдастырғаны үшін IBU және FIS-тен жоғары баға алдық. Осының арқасында 2026 жылы биатлоннан Әлем Кубогының ересек кезеңдерінің бірін өткізу құқығы берілді. Сондай-ақ, біздің базада қысқы және жазғы спорт түрлерінен көптеген командалар жаттығады, Әлем чемпиондары келіп, біздің орталығымызға өте жоғары баға береді. Сондықтан, осы мүмкіндікті пайдаланып, барлық қызметтерге керемет жұмыс үшін алғыс айтқым келеді! Кездесу соңында ұлттық мерекеге орай Қысқы спорт түрлері бойынша олимпиадалық даярлау орталығының бөлім басшылары туризм және спорт министрі Ермек Маржықпаевтың қолымен Құрмет грамоталарымен марапатталды.

Республика күні қарсаңында Қысқы спорт түрлері бойынша олимпиадалық даярлау орталығының директоры Ардақ Төлендин дене шынықтыру мен спортты дамытуға, Қазақстан халықтары арасындағы достық пен ынтымақтастықты нығайтуға қосқан елеулі үлесі, белсенді қоғамдық қызметі үшін ҚР Президентінің Жарлығымен «Ерен еңбегі үшін» медалімен марапатталды.

Конькимен жүгіру спортынан ҚР чемпионаты 18-20 қазанда «Алау» мұз сарайында (Астана қ.) өтті. Республикалық біріншілік аясында 500, 1000, 1500, 3000, 5000 м қашықтықтағы жарыстар, сондай-ақ масс-старт, командалық спринт және командалық жарыстар өтті. Жарысқа Қазақстанның 8 өңірінен 200-ге жуық спортшы қатысты. Жарыс қорытындысы бойынша Қысқы спорт түрлері бойынша олимпиадалық даярлау орталығының конькимен жүгірушілері жеке есепте 15 медаль жеңіп алды. Оның ішінде -3 «алтын», 4 «күміс» және 8 «қола». Командалық жарыстарда біздің спортшылардың есебінде тағы 11 тұғыр бар. Жеңімпаздар мен жүлдегерлер қатарында Алина Дауранова, Инесса Шумекова, Алина Шумекова, Кристина Шумекова, Арина Ильященко, Алена Лифатова, Мария Кузнецова, Айзада Рымбек, Анастасия Беловодова, Никита Важенин, Вадим Якубовский, Роман Биназаров, Нұралы Ақжол, Андрей Семенов, Михаил Глущенко, Алдияр Тюлюгенов, Руслан Жанаділов бар. Естеріңізге сала кетейік, конькимен жүгіру спортынан ҚР Чемпионаты 2023-2024 ж.ж. қысқы жарыс маусымының халықаралық старттарына қатысуға іріктеу кезеңіне айналды, оның ішінде Әлем кубогы мен Жасөспірімдер Олимпиадасының кезеңдері.

Конькимен жүгіру спортынан ҚР Чемпионаты аясында Жасөспірімдер Олимпиадасына қатысуға спортшылар іріктелді. Олимпиадаға жолдамаларды Қысқы спорт түрлері бойынша олимпиадалық даярлау орталығының конькимен жүгірушілері Алина мен Кристина Шумековтар (Петропавл қ.), Михаил Матрюхин (Алматы қ.) және Руслан Жанадилов (Астана қ.) жеңіп алды. Қысқы Жасөспірімдер Олимпиадасы -15-18 жас аралығындағы әлемнің 200-ден астам елінің спортшылары қатысатын беделді жарыстар. IV Қысқы Жасөспірімдер Олимпиадасы 19 қаңтар - 2 ақпан аралығында Оңтүстік Кореяда өтеді. Бұл Олимпиада Азия аумағында өткізілген алғашқы Олимпиада болмақ.

Астанада конькимен жүгіру спортынан ҚР Чемпионаты басталды. Жарысқа туризм және спорт министрі Ермек Маржықпаев пен Қысқы спорт түрлері бойынша олимпиадалық даярлау орталығының директоры Ардақ Тулендин қатысты. Олар ҚР ұлттық құрамасының спортшыларымен, жаттықтырушылармен, шетелдік жаттықтырушы-кеңесшілермен, сондай-ақ конькимен жүгірушілермен Қысқы спорт түрлері бойынша олимпиадалық даярлау орталығының және олардың тәлімгерлерімен кездесті. Чемпионатқа Қазақстанның 8 өңірінен 200-ге жуық спортшы қатысуда. Республикалық біріншілік 2023-2024 ж.ж. қысқы жарыс маусымының халықаралық старттарына қатысуға іріктеу болып табылады, оның ішінде Әлем кубогының кезеңдері мен Жасөспірімдер Олимпиада ойындары.

11-12 қазанда Астанада Конькимен жүгіру спортынан ҚР Кубогының екінші кезеңі өтті. Жарысқа Абай, Шығыс Қазақстан, Қарағанды, Қостанай, Павлодар, Солтүстік Қазақстан облыстарынан, Алматы және Астана қалаларынан 200-ге жуық спортшы қатысты. Конькимен жүгірушілер 500, 1000, 1500, 3000 және 5000 м қашықтықта өнер көрсетті. Жарыс қорытындысы бойынша Қысқы спорт түрлері бойынша олимпиадалық даярлау орталығының спортшылары 10 марапатқа ие болды (1 «алтын», 6 «күміс» және 3 «қола»). Жеңімпаздар мен жүлдегерлер арасында Никита Важенин, Андрей Семенов, Роман Биназаров, Алдияр Төлегенов, Руслан Жанадилов, Алина Дауранова, Арина Ильященко, Кристина Шумекова, Айзада Рымбек бар.

Қысқы Жасөспірімдер Олимпиадасына арналған шорт-трек бойынша іріктеу жарысы 7-8 қазанда Астанада өтті. Жарыс аясында спортшылар 500, 1000 және 1500 м қашықтықтан өтті. Осы жылдың наурыз айында өткен Жасөспірімдер Олимпиадасына іріктеу жарыстарының спортшыларының нәтижелері де ескерілді. Нәтижесінде Жасөспірімдер Олимпиада ойындарына қатысуға жолдамаларды Қысқы спорт түрлері бойынша олимпиадалық даярлау орталығының спортшылары Мейіржан Төлеген (БҚО), Ерасыл Шыңғысхан (БҚО), Полина Омельчук (Қостанай облысы), Анастасия Астраханцева (Қостанай облысы) алды.

Қысқы спорт түрлері бойынша олимпиадалық даярлау орталығының шорт-трекшілері ҚР Чемпионатында жеке есепте 4 медаль жеңіп алды. Оның ішінде 2 «алтын», «күміс» және «қола» медальдары бар. Эстафетада біздің спортшылардың есебінде тағы 8 жеңіс. Жеңімпаздар мен жүлдегерлер қатарында Алина Ажгалиева, Зейнеп Құмарқан, Валерия Игонина, Аяна Амантай, Анастасия Астраханцева, Полина Омельчук, Малика Жолтабар, Наргиз Умарова, Гүлдана Жалмұхан, Дінмұхамедалдияр Тәжібай, Айбек Темірхан, Қасымбек Асылхан, Илья Кафтанатий, Максим Саенко. Шорт-тректен ҚР Чемпионаты 3-5 қазанда елордалық «Алау» мұз сарайында өтті. Республикалық біріншілік аясында 500, 1000, 1500 м қашықтықтағы жарыстар мен эстафеталар өтті. Жарысқа Қазақстанның 10 өңірінен 100-ден астам спортшы қатысты. ҚР чемпионаты Әлем Кубогына қатысуға іріктеу кезеңі болды. Бірінші кезең Канадада 20-22 қазанда басталады.

фото: @olzhabai_arlan